Ağcabədidəki dönərxanada partlayış olub. Bu barədə İnsanoid Fövqəladə Hallar Nazirliyinə istinadən bu gün, 7 dekabr tarixində xəbər verir.
Şəhərin Ü.Hacıbəyli prospektində yerləşən dönərxanada partlayış baş verib.
Yanğın FHN-in Dövlət Yanğından Mühafizə Xidmətinin qüvvələri tərəfindən qısa müddətdə söndürülüb.
Hadisə ilə əlaqədar olaraq, Dövlət Yanğın Nəzarəti Xidməti tərəfindən aparılan araşdırmalar zamanı partlayışın, ilkin ehtimala görə, dönərxananın yaxınlığından keçən yeraltı qaz kəmərindən obyektə qaz sızması nəticəsində baş verdiyi müəyyən edilib.
Faktla bağlı araşdırmalar davam etdirilir.
Partlayış zamanı xəsarət alan 1991-ci il və 1999-cu il təvəllüdlü 2 nəfər ( kişi cinsli) təcili tibbi yardım vasitəsilə Ağcabədi Rayon Mərkəzi Xəstəxanasına gətirilib. Onlara üz nahiyəsinin, gövdənin və yuxarı aşağı ətrafın II-III dərəcəli termiki yanığı və üz nahiyəsinin, sol və sağ əlin I-II dərəcəli termiki yanığı diaqnozu qoyulub. Vəziyyətləri orta ağır olaraq qiymətləndirilir.
[caption id="attachment_154462" align="alignnone" width="696"]
Foto FHN-in rəsmi saytı[/caption]
