Dövlət qurumlarının “Facebook”, “İnstagram” və “X” sosial şəbəkələrində izləyici saylarında qeydə alınan illik dinamika açıqlanıb. Bu barədə 4 dekabr tarixində Report Media Təhlil Mərkəzinə istinadən məlumat verib.
Bu ilin oktyabr ayı üzrə ötən ilin oktyabrı ilə müqayisədə “Facebook” sosial şəbəkəsində izləyici sayında ən böyük artım İcbari Tibbi Sığorta üzrə Dövlət Agentliyində qeydə alınıb. Ötən dövr ərzində Agentliyin izləyici sayı 78% artaraq 73 324-ə çatıb.
“İnstagram”da bir il ərzində izləyici sayını kəskin artıran Fövqəladə Hallar Nazirliyi olub. Ötən ilin oktyabr ayı ilə müqayisədə izləyici sayı 19 dəfə artaraq 13 216-ya çatıb.
“X” sosial şəbəkəsində hesabat dövründə izləyici sayında ən böyük artıma “Tibbi Ərazi Bölmələrini İdarəetmə Birliyi” (TƏBİB) nail olub. TƏBİB-nin izləyicilərinin sayı ötən ilin oktyabrı ilə müqayisədə 46% artaraq 1 656-ya çatıb.
