Baş Dövlət Yol Polisi İdarəsi (BDYPİ) piyadalara müraciət edib. Bu barədə İnsanoid idarənin mətbuat xidmətinə istinadən bu gün, 9 dekabr tarixində xəbər verir.
İdarədən verilən məlumatda bildirilib ki, piyadalar sutkanın qaranlıq vaxtında yola çıxarkən imkan daxilində əlvan, xüsusilə də işıqqaytarıcı elementləri olan geyimlərdən istifadə etsinlər.
"Gecə vaxtı işıqlandırılmayan yol sahələrində qara geyimli piyadanı sürücü görmür. Nəticədə yol-nəqliyyat hadisəsinin baş verməsi qaçılmaz olur. Piyadalardan da xahiş olunur ki, sutkanın qaranlıq vaxtında yola çıxarkən imkan daxilində əlvan, xüsusilə də işıqqaytarıcı elementləri olan geyimlərdən istifadə etsinlər", - müraciətdə qeyd edilib.
