Ötən il 41 538 gənc münasib işlərlə təmin edilib. Bu barədə 2 fevral tarixində Əmək və Əhalinin Sosial Müdafiəsi Nazirliyi məlumat yayıb.
Son bir ildə 3 minədək gənc üçün özünüməşğulluq proqramı üzrə kiçik bizneslər yaradılıb.
41 538 gənc münasib işlərlə təmin edilib, 3 minədək gənc üçün özünüməşğulluq proqramı üzrə kiçik bizneslər yaradılıb, 5 005 gənc peşə hazırlığı kurslarına cəlb olunub, əsasən, gənclərdən ibarət 281 539 şəxsə peşəyönümü məsləhət xidmətləri göstərilib.
Eyni zamanda son bir ildə “Səyyar kofe evləri” layihəsi çərçivəsində də 20 nəfər işsiz şəxsə lazımi avadanlıqlar verilərək onlar üçün səyyar kofe satışı üzrə kiçik bizneslər yaradılıb.
Son illərdə gənclərlə bağlı icra olunan məşğulluq layihələrinin davamı olaraq, hazırda “İrəliləyİŞ” layihəsi də icra olunur. Bu layihə gənclərin beynəlxalq normalara uyğun təcrübə proqramları əsasında karyera bacarıqlarını inkişaf etdirməyə yönəlib. Layihə üzrə 1 500 gəncin təcrübə proqramlarına cəlb olunması nəzərdə tutulub.
