Ekologiya və təbii sərvətlər naziri Muxtar Babayev Şəmkirdə yerləşən Heydər Əliyev Mərkəzində vətəndaşları qəbul edib. Bu barədə İnsanoid nazirliyə istinadən bu gün, 23 noyabr tarixində xəbər verir.
Qəbuldan əvvəl nazir və Şəmkir Rayon İcra Hakimiyyətinin başçısı ulu öndər Heydər Əliyevin abidəsini ziyarət edərək önünə gül dəstələri qoyublar.
Görüş zamanı ətraf mühitin mühafizəsi, meşələrin qorunması, biomüxtəliflik, mineral xammal, işlə təminolunma və digər məsələlərlə bağlı vətəndaşların müraciətləri dinlənilib.
Qaldırılan məsələlərin bir qismi yerindəcə həllini tapıb, digərlərinin isə araşdırılaraq zəruri tədbirlərin görülməsi üçün nazirliyin məsul işçilərinə müvafiq tapşırıqlar verilib.
[caption id="attachment_138984" align="alignnone" width="696"]
Foto Eco.gov.az[/caption]
