Daxili İşlər Nazirliyi vətəndaşları qanunsuz saxlanılan odlu silahları təhvil verməyə çağırıb. Bu barədə 30 oktyabr tarixində nazirliyin Mətbuat Xidməti İdarəsinin rəisi Elşad Hacıyev sosial şəbəkə hesabında etdiyi paylaşımda bildirib.
O qeyd edib ki, əgər vətəndaşda döyüş silahı varsa, o silah hansısa cinayətdə istifadə olunacaq.
"Əgər istifadə olunma ehtimalı yoxdursa, o silah onun nəyinə lazımdır? Ona görə də qanunsuz saxlanılan odlu silah kimdə varsa, təhvil verilməlidir. Könüllü veriləcəyi təqdirdə cəza təhdidi yaranmır. Başqa sözlə, könüllü təhvil verilsə, DİN həmin şəxsə təşəkkür edəcək", - deyə DİN-in rəsmisi bildirib.
