Ermənistanın təxribatı nəticəsində yaralanan hərbçimiz hadisənin necə baş verməsi barədə danışıb. Bu barədə İnsanoid Report-a istinadən bu gün, 13 fevral tarixində xəbər verir.
Həmin vaxt sərhəd döyüş mövqeyində xidmətdə olub:
“Düşmənin qarşıdakı postunun müşahidəsini aparırdıq. Bu zaman ermənilər atəş açdı. Güllə mənə dəydi və yerə yıxıldım.
Sərhədçi kimi özümlə fəxr edirəm. Xidmət etdiyim torpağın hər qarışında şəhid qanı var. Hər zaman öz gücümüzü göstərmişik”.
P.Xəlilzadə bildirib ki, hazırda səhhəti normaldır.
Yaralı əsgər ötən gün Respublika Neyrocərrahiyyə Xəstəxanasında axşam saatlarında təxirəsalınmaz əməliyyata götürülüb. Hazırda müalicəsi davam edir.
Tibb müəssisəsinin spinal neyrocərrahiyyə şöbəsinin müdiri Rasim Quliyev bildirib ki, onurğa kanalına sirayət edən güllə çıxarılıb:
“P.Xəlilzadə bir güllə yarası alıb, güllə boyun yan səthinin yumşaq toxumalarından keçərək spinal kanalın içində dayanıb. Çıxarılan yad cisim hərbi mütəxəssislərə göstərilib. Müəyyən olunub ki, xaricdə istehsal olunan snayper gülləsidir. Müalicənin kəskin dövrü 3, 4, 5 gün çəkir. Sonra müalicəsi DSX-nin Hərbi Hospitalında davam etdiriləcək. Hərbi qulluqçu 2-3 aydan tez xidmətə qayıda bilməz”.
