Ermənistanın ikinci prezidenti Robert Koçaryanın oğlu Levon Koçaryanın həbs müddəti iki ay uzadılıb. Bu barədə 19 oktyabr tarixində Oxu.az məlumat verib.
Bu barədə vəkil Aleksandr Koçubayev sosial şəbəkələrdə məlumat verib. Oktyabrın 16-da istintaq orqanı Koçaryanın həbs müddətinin uzadılması barədə vəsatət qaldırıb.
“Məhkəmə vəsatəti təmin etdi. Levon Koçaryan iki ay müddətinə həbs edildi”, - Koçubayev qeyd edib.
Xatırladaq ki, Levon Koçaryan sentyabrın 22-də hökumət əleyhinə etiraz aksiyaları zamanı həbs edilib. Daha sonra o, polis əməkdaşları tərəfindən döyülüb, sonra xəstəxanaya yerləşdirilib. Paytaxt tibb mərkəzlərinin birində ona beyin silkələnməsi diaqnozu qoyulub.
Koçaryan dörd polis əməkdaşını döyməkdə şübhəli bilinərək saxlanılıb. Daha sonra məhkəmə onu həbs edib.
