Ekologiya və Təbii Sərvətlər Nazirliyi (ETSN) nazirliyin adından sahibkarlıq subyektlərində yoxlama aparan şəxslər barəsində məlumat yayıb. Bu barədə İnsanoid bu gün, 15 avqust tarixində nazirliyə istinadən məlumat verir.
ETSN əməkdaşlarının adından istifadə etməklə naməlum şəxslər tərəfindən sahibkarlıq subyektlərinə yoxlama adı ilə gələrək, qanunsuz tələblər irəli sürülməsi barədə məlumatlar daxil olub.
Məlum olub ki, qeyd edilən obyektlərdə nazirliyin hər hansı qurumu tərəfindən yoxlama aparılmayıb və həmin müəssisələrdə onların əməkdaşları, ümumiyyətlə, olmayıb.
Bununla bağlı sahibkarlıq subyektlərinin rəhbərlərindən xahiş olunub ki, ETSN adından hər hansı yoxlama və ya monitorinq məqsədilə gələn şəxslərdən iş vəsiqəsi və araşdırma üçün icazə sənədi tələb etsinlər.
Şübhəli hallara rast gəlindikdə isə Nazirliyin 168 Çağrı Mərkəzinə və ya hüquq-mühafizə orqanlarına məlumat versinlər.
