“Evdə tək” komediyasının baş rol ifaçısı, 43 yaşlı Makoley Kalkin, nəhayət, Hollivud Şöhrət Xiyabanında şəxsi ulduzunu qəbul edib. Bu barədə İnsanoid yerli mediaya istinadən bu gün, 2 dekabr tarixində xəbər verir.
Açılış mərasimində aktyor göz yaşlarını saxlaya bilməyib.
Bunun bir neçə səbəbi var idi. Onlardan biri filmdə Kalkinin məşhurlaşdığı personaj Kevin Makkallisterin anasını canlandıran aktrisa Ketrin O’Hara idi.
Film ailəsinin təsiredici qovuşması "Evdə Tək 2" filminin buraxılışından təxminən 30 il sonra baş verib.
“Makoley, təbrik edirəm. Sən Hollivud Şöhrət Xiyabanındakı “Ulduzuna” layiqsən. Və səni evdə bir dəfə deyil, iki dəfə tək unudub gedən “ananı” bu sevincli hadisəni bölüşmək üçün çağırdığın üçün təşəkkür edirəm. Səninlə fəxr edirəm!", - O'Hara deyib.
Macaulay Culkin gets a star on the Hollywood Walk of Fame. pic.twitter.com/bODVV0uyFo
— DiscussingFilm (@DiscussingFilm) December 1, 2023
