Fransanın cənubunda, Aralıq dənizi sahilində yerləşən Agde qəsəbəsi son günlər ictimaiyyət tərəfindən böyük maraqla izlənilən qalmaqalla silkələnib.
Bu barədə İnsanoid Xarici KİV-yə istinadən bu gün, 27 may tarixində xəbər verir.
Keçmiş məxfi xidmət zabiti və polis məmuru olan mer Gilles d'Ettoren və qəsəbənin məşhur falçısı Sofiya Martinez barələrində başlanan korrupsiya istintaqı çərçivəsində həbs ediliblər. Falçı meri aldatmaqda, mer isə dövlət resurslarını israf etdiyinə görə korrupsiyada ittiham olunur.
Falçı Martinez ölülərlə danışa biləcəyini söyləməklə şöhrətlənib. Mer Gillses də mərhum atası ilə danışmaq üçün falçıya üz tutub. Belə ki, Martinezin seansları zamanı onun səsi qəfil dəyişir və merin atasının dilindən danışırmış.
İddialara görə, falçı son dörd il ərzində meri manipulyasiya edib. Mer d'Ettore Martinez və ailəsi üçün, o cümlədən Polineziya və Tailanda dəbdəbəli tətillər üçün dövlət vəsaiti hesabına ödəniş edib. Bununla yanaşı, mer falçı ailəsinin bir neçə üzvünü bələdiyyəyə işə götürüb və qadının evini təmir etdirib.
Hadisədən sonra merin vəkili Jean Marc Darrigade mətbuata açıqlama verib: "Bu, çılğın bir hekayədir, inanılmazdır, çünki bizim çox ağıllı merimiz var. Qadın kişini manipulyasiya edib. Onda psixi zəiflik tapıb və bundan şəxsi maraqları üçün istifadə edib".
Bəzi şəhər sakinlərinin fikrincə, d'Ettore falçıya aşiq olub.
Hazırda d'Ettore və falçı qadın həbsdədir.
