Sosial şəbəkələrdə iti döyən kişini əks etdirən videogörüntülər yayılıb. Bu barədə 31 yanvar tarixində Patrul.az məlumat yayıb.
Məlumata görə, hadisə Gürcüstanın Marneuli şəhərində qeydə alınıb.
Kişinin anasının sözlərinə görə, it bütün toyuqlarını yediyi üçün o əsəbləşib və bu hərəkəti edib: "Bütün toyuqlarımı it yeyib, bir inəyi də dişləyib, 10-dan çox toyuğu öldürüb, buna görə də oğlum çox əsəbiləşdi və iti döydü".
"Bu hadisə təxminən iki ay əvvəl baş verib. Videonu kimin çəkdiyini bilmirəm", – deyə iti döyən şəxsin anası əlavə edib.
Bildirilib ki, kişi saxlanılıb.
"Oğlum dünən aldadılaraq dərəyə aparılıb və 5 nəfər tərəfindən amansızca döyülüb. Oğlumun dediyinə görə, onu öldürmək üçün bıçaq axtarırdılar. Polis gələndə oğlum çarpayıda döyülmüş vəziyyətdə yatırdı. Onu 5-ci sinif şagirdinə təcavüz etməkdə ittiham etdilər. Bu, yalandır. Qızın nənəsi bizə gəlmişdi, mən dedim ki, oğlum belə etməz, anlaşılmazlıq olub. Düşünürəm ki, bu video döyülmə hekayəsini ört-basdır etmək üçün yayılıb”, – deyə qadın bildirib.
[playlist type="video" tracklist="false" ids="160686"]
