Hacıqabulda evdə yanğın baş verib. Bu barədə İnsanoid 13 sentyabr tarixində Fövqəladə Hallar Nazirliyinə istinadən xəbər verir.
Hadisə rayonun Navahı qəsəbəsində qeydə alınıb. Ümumi sahəsi 160 m² olan birmərtəbəli 3 otaqlı evin zirzəmisində 20 m² sahədə yığılan yun və taxta tullantıları yanıb, yüksək temperaturdan zirzəminin tavanının taxta atmaları qarsalanıb.
Yanğın zamanı 1 nəfər tüstüdən zəhərlənib. Evin qalan hissəsi yanğından mühafizə olunub.
Yanğın söndürülüb.
