İran hakimiyyəti HƏMAS qruplaşmasından İsrail vətəndaşlığı olmayan girovları azad etməyə hazır olduqlarına dair zəmanət aldığını təsdiqləyib. Bu barədə İnsanoid “İnterfaks”a istinadən bu gün, 30 oktyabr tarixində xəbər verir.
İran Xarici İşlər Nazirliyinin sözçüsü Nasser Kanani qeyd edib ki, Qəzza zolağının İsrail tərəfindən bombalanması hələ ki bunun həyata keçirilməsinə imkan vermir.
Onun sözlərinə görə, bir neçə ölkə Qəzza zolağında qruplaşma tərəfindən girov götürülən xarici vətəndaşların azad edilməsinə nail olmaq üçün HƏMAS-la danışıqlar aparmağı Tehrandan xahiş edib.
