Müdafiə Nazirliyinin hərbi hissələri üçün yeni inşa edilən yeməkxanalarda şəxsi heyətə isti çörəyin və müxtəlif çeşiddə şirniyyat məmulatlarının hazırlanması məqsədilə çörəkbişirmə sexləri yaradılır. Bu barədə 2 fevral tarixində Report Nazirliyə istinadən məlumat verib.
Həmin sexlərdə tələbata uyğun olaraq, isti çörək və şirniyyat məmulatları, müxtəlif çeşidli bulkalar və pirojkilər bişirilərək şəxsi heyətin qidalanmasına daxil edilir.
Hazırda yeməkxanalar və ərzaq anbarlarının inşası davam etdirilir. “Əsgər aşpaz heyəti peşəkar mülki aşpaz heyəti ilə əvəz olunub”, - Nazirlikdən bildirilib.
