ABŞ-nin Tennessi ştatında it körpəni parçalayıb. Bu barədə İnsanoid Xarici KİV-lərə istinadən bu gün, 4 iyun tarixində xəbər verir.
Knoxville şəhərində yaşayan 28 yaşlı Mark və 25 yaşlı Kloe Mansur cütlüyünə məxsus haski iti onların 1 ay əvvəl dünyaya gələn körpəsinin ölümünə səbəb olub.
8 ildir birlikdə yaşadıqları haski əvvəllər çox sakit olub və illərdir heç bir hücum əlaməti göstərməyib.
Yatarkən itin hücumuna məruz qalan körpə Ezra qan içində xəstəxanaya aparılıb. 6 gün reanimasiyada saxlanılan körpə bütün müdaxilələrə baxmayaraq, davam gətirə bilməyib.
Ölən uşağın orqanlarının bağışlanacağı bildirilib.
Hadisədən sonra haski cinsli it sığınacağa aparılaraq 10 gün karantində saxlanılıb. Hadisə ilə bağlı araşdırma başlansa da, itin aqibətinin necə olacağı hələlik məlum deyil.
