İsmayıllı rayonunda avtoxuliqanlıq edərək ictimai asayişi nümayişkaranə şəkildə pozan, digər hərəkət iştirakçıları üçün təhlükə yaradan və bu kimi əməllərini sosial şəbəkələrdə paylaşan sürücü barəsində qanunvericiliyə uyğun tədbir görülüb. Bu barədə 31 iyul tarixində Daxili İşlər Nazirliyi İnsanoid-ə məlumat verib.
Belə ki, rayon sakini Musa Xəlilli sürücülük hüququ olmadan idarə etdiyi “VAZ-21011” markalı avtomobillə intizamsızlıq edərək yol hərəkəti qaydalarını kobud şəkildə pozub və avtoxuliqanlıq hərəkətləri edib. O saxlanılıb. Musa Xəlilli barəsində protokol tərtib olunub.
Məhkəmənin qərarı ilə onun barəsində 500 manat məbləğində inzibati tənbeh tədbiri tətbiq olunub.
[playlist type="video" tracklist="false" ids="123854"]
