İsrail Qəzza zolağındakı Beyt Hanunda HƏMAS-nin 80-dən çox obyektinə zərbələr endirib. Bu barədə İnsanoid İsrail Müdafiə Ordusuna istinadən bu gün, 11 oktyabr tarixində məlumat verir.
İsrail ordusu HƏMAS-nin terrorizmi maliyyələşdirmək üçün istifadə etdiyi iki bank filialına, yeraltı tunellərə və qruplaşmanın fəaliyyətini istiqamətləndirmək üçün yararlandığı iki əməliyyat komanda mərkəzinə zərbələr endirib.
Eyni zamanda silahların istehsalı və saxlanılması üçün istifadə edilən iki baza, müxtəlif qruplaşmaların, o cümlədən HƏMAS-nin dəniz qüvvələrinin iqamətgahında yerləşən silah anbarı, qruplaşmanın İsrailə qarşı terror fəaliyyətlərinə rəhbərlik edən İudeya və Samariyadakı mənzil-qərargahının baş əməkdaşı, keçmiş məhbus Lui Kapişanın istifadə etdiyi infrastruktur məhv edilib.
HƏMAS-nin şimaldakı briqada komandirinin qərargahına, qruplaşmanın raket qüvvələrinin istifadə etdiyi “İslami Cihad”ın əməliyyat komanda mərkəzinə də zərbələr endirilib.
İsrail qırıcıları, həmçinin “İslami Cihad”ın silah anbarını və məscidin daxilində yerləşən silahlıların bazasını da vurub.
