İsrail ordusu Qəzzada aparılan quru əməliyyatlarında daha 3 hərbçisini itirib. Bu barədə İnsanoid APA-ya istinadən bu gün, 28 dekabr tarixində xəbər verir.
İsrail Müdafiə Qüvvələrinin (İsrael Defence Forces – İDF) Mətbuat Xidmətindən bildirilib ki, ötən gün ərzində İsrail ordusu Qəzza zolağında həyata keçirdiyi yerüstü hərbi əməliyyatlarda 3 hərbçisini itirib və bununla da 7 oktyabrdan indiyə qədər hərbi gərginliyin artması fonunda ümumilikdə 501 israilli hərbçi həlak olub.
HAMAS təşkilatının İsrail ərazisinə raket zərbələri endirməsinə cavab olaraq, 7 oktyabrda İsrail ordusu “Dəmir qılınclar” (“Iron swords”) əməliyyatına başladığını bəyan edib. Hərbi əməliyyatlar 83-cü gündür ki, davam edir.
