İsrailin xarici işlər naziri Koen BMT Təhlükəsizlik Şurasının Yaxın Şərqdəki vəziyyətlə bağlı iclası ərəfəsində beynəlxalq ictimaiyyətə müraciət edib. Bu barədə İnsanoid bu gün, 18 oktyabr tarixində xəbər verir.
Nazirliyin “X” sosial şəbəkəsindəki paylaşımında deyilir:
“Bu gün Qəzza zolağında Əl-Əhli xəstəxanasında baş verən partlayışda İsrailin əli olmadığına dair sübutlar təqdim ediləcək.”
Oktyabrın 18-nə keçən gecə İsrail ordusu xəstəxanada baş verən partlayışın səbəbinin uğursuz raket olduğunu bildirib. Onların iddiasına görə, İsrail istiqamətində atılan raketlərdən biri xəstəxanaya düşüb.
Ötən gün oktyabrın 17-i saat 19:00 radələrində Qəzza zolağında yerləşən Əl-Əhli xəstəxanasında düşən raket nəticəsində rəsmi mənbələrə əsasən, 471 nəfər həyatını itirib, 342 nəfər isə xəsarət alıb.
