İstanbulda məhkəmə binasına edilən hücum nəticəsində yaralanan şəxslərdən biri dünyasını dəyişib. Bu barədə İnsanoid yerli mediaya istinadən bu gün, 6 fevral tarixində xəbər verir.
İstanbulda məhkəmə binasına silahlı hücum olub 14:33
İstanbulda Çağlayan Məhkəmə binasının qarşısındakı polis məntəqəsinə silahlı hücum olub. Bu barədə İnsanoid yerli mediaya istinadən bu gün, 6 fevral tarixində xəbər verir.
İlkin məlumatlara görə, biri qadın olmaqla 2 silahlı şəxs zərərsizləşdirilib. 3-ü polis olmaqla 6 nəfər yaralanıb.
Silah səslərini eşidən ədliyyə binasının qarşısında olanlar binaya qaçıb, içəridə olanlar isə yerə uzanıblar.
Əraziyə çoxlu polis və təcili tibbi yardım komandası cəlb edilib. Polis helikopteri də havadan tədbirlərə dəstək verib.
Yaralılar təcili tibbi yardımın köməyi ilə xəstəxanaya aparılıblar. Xəsarət alan polislərin vəziyyətlərinin yaxşı olduğu bildirilib.
İstanbul Baş prokuroru Şaban Yılmaz hadisə yerinə gedərək baxış keçirib. Hücum edənlərin DHKP/C terror təşkilatının üzvləri - Pınar Birkoç və Emrah Yayla olduğu müəyyən edilib.
Hadisədən sonra qaçan hücumçulardan biri yaralı halda yaxalanıb.
Sözügedən terror hücumu anı məhkəmə binasının təhlükəsizlik kamerasına düşüb.
[video width="1920" height="1080" mp4="https://insanoid.com/storage/thumbs/large/2024/02/Sequence-01_14.mp4"][/video]
