Cari ilin aprel ayı ərzində fiziki və hüquqi şəxslərin müraciəti əsasında Respublika ərazisində 22 min tondan çox dənli və paxlalı bitkilərin məhsulları zərərsizləşdirilib. Bu barədə 5 may tarixində Kənd Təsərrüfatı Naziriliyi məlumat verib.
Məlumata əsasən, 31 min kubmetr meşə materialları, 95 min kubmetr saxlanma yeri, 116 kubmetr yaş meyvə-tərəvəz, 90 min kvadratmetr istixana zərərsizləşdirilib.
Qeyd olunub ki, sözügedən tədbirlər məhsulların becərilməsi, tədarükü, saxlanması ilə məşğul olan hüquqi və fiziki şəxslər üçün məcburidir. Bildirilib ki, tələblərə riayət etməyən şəxslər məsuliyyət daşıyırlar.
Xidmətlərdən istifadə etmək üçün Aqrar Xidmətlər Agentliyinin Bitki Mühafizəsi və Fumiqasiya Mərkəzinə (Tel: 012-563-58-45 (daxili:126); 050-644-74-15; 070-965-62-14, ([email protected]) müraciət etmək olar.
