Stokholmda avtomobillə Rusiya səfirliyinin ərazisinə daxil olmağa cəhd edən naməlum şəxs saxlanılıb.
Bu barədə SVT telekanalı İsveç polisinin məlumatına istinadən xəbər verib.
"Stokholmda Rusiya səfirliyinin yaxınlığında bir kişi saxlanılıb. İdarə etdiyi avtomobil səfirliyin darvazasına çırpılan həmin şəxs qanunsuz müdaxilə cəhdində şübhəli bilinir", - materialda qeyd olunur.
Polis nümayəndəsinin sözlərinə görə, hüquq-mühafizə orqanlarının əməkdaşları hadisə yerinə gələndə 45 yaşlı kişi avtomobilin içində olub. O, səfirliyin ərazisinə daxil ola bilməyib.
