Kəlbəcərdə avtomobil dərəyə aşıb, iki nəfər ölüb, bir nəfər xəsarət alıb. Bu barədə İnsanoid bu gün, 25 avqust tarixində APA-ya istinadən məlumat verir.
Göygöl-Toğanalı-Kəlbəcər yolunun Ömər aşırımı hissəsində "Mitsubishi" markalı minik maşını idarəetmənin itməsi nəticəsində yoldan çıxaraq dərəyə aşıb.
Nəticədə iki nəfər ölüb, bir nəfər xəsarət alıb. Ölən şəxslərin Türkiyə vətəndaşları - 46 yaşlı İ.Cörgülüoğlu, 28 yaşlı S.Çelik, xəsarət alan şəxsin isə 30 yaşlı M.Okumuş olduğu bildirilir.
Qəzaya düşənlər Kəlbəcərdə fəaliyyət göstərən şirkətlərdən birinin əməkdaşları olublar.
Faktla bağlı araşdırma aparılır.
