Məşqçi Kamil Zeynallının hərbi polis kimi çalışmağa başladığı iddia olunub.
Buna səbəb Kamilin hərbi polis formasında yayılan görüntüləri olub. Kimisi bunun hansısa çəkiliş üçün olduğunu desə də, kimisi Kamilin hərbi polis olduğunu ehtimal edib.
Kamil Zeynallı “olay.az”a açıqlama verərək bunun layihə olduğunu deyib:
"Müdafiə Nazirliyi və Xəzər Medianın layihəsidir. Mən hərbi polis olmamışam. Lakin onların komandosu ilə təlimləri birgə icra edib Xəzər TV üçün veriliş hazırlamışıq. Heç bir dövlət qulluğunda işə düzəlməmişəm".
Qeyd edək ki, sözügedən layihənin adı "Sıravi ulduz"dur. Xəzər TV-də yayımlanan ekran işində hər həftə bir məşhur sima qonaq olur.
