Ukraynanın paytaxtı Kiyev ötən gecə növbəti dron hücumlarına məruz qalıb. Bu barədə Report 22 dekabr tarixində xəbər verib.
Zərərçəkənlər arasında həmyerlilərimiz də var. Yaşayış evləri ciddi zərər görən həmyerlilərimiz xoşbəxtlikdən evlərində olmadıqları üçün insan tələfatı olmayıb. Mülki insanlar arasında yaralananlar var. Bu, dekabr ayı ərzində Rusiya ordusu tərəfindən intensiv olaraq Ukrayna paytaxtına edilən növbəti hava hücumudur.
[caption id="attachment_156292" align="alignnone" width="696"]
Foto Report.az saytı[/caption]
Kiyev Hərbi Administrasiyasının sözçüsü Mixail Şamanov vəziyyəti şərh edərək bildirib ki, bu, Ukrayna paytaxtına son altı gündə üçüncü, bütövlükdə dekabr ayı ərzində isə baş verən sayca beşinci hücumdur:
"Rusiya İran istehsallı “Shahed” dronları ilə hücum edir, yenə infrastruktur və yaşayış məhəllələrini hədəfə alır. Dronlardan biri Kiyevin Solomensk rayonunda bədbəxt hadisəyə səbəb olub – çoxmərtəbəli evin yuxarı 3 mərtəbəsində yanğın baş verib, digər 3-ündə isə pəncərələr sınıb”.
“İlkin məlumatlara görə, iki nəfər müxtəlif dərəcəli kəsik xəsarətləri alıb, bir nəfər hospitala yerləşdirilib. Darnitsk rayonunda dronun hissələrinin düşməsi qeydə alınıb. Orada ikimərtəbəli şəxsi evdə yanğın baş verib, xəsarət alan yoxdur. Qoloseyevsk rayonunda da dron hissələrinin düşməsi olub, xəsarət yoxdur", - deyə o, əlavə edib.
[caption id="attachment_156290" align="alignnone" width="696"]
Foto Report.az saytı[/caption]
