Çində valideynlər yenidoğulmuş oğlan uşağına ad qoymaq barədə bir ildən çox razılığa gələ bilməyib və nəticədə boşanma ərizəsi veriblər.
İnsanoid.com xarici KİV-ə istinadən xəbər verir ki, nəticədə uşaq hələ də doğum haqqında şəhadətnamə, qeydiyyat və məcburi peyvəndlərsiz qalıb.
Cütlük 2023-cü ildə ailə qurub, 2024-cü ildə isə oğlan uşağı dünyaya gəlib. Doğumdan sonra valideynlər arasında ad seçimi üstündə mübahisə başlayıb. Onların hər biri öz versiyasında israrlı idi və qarşı tərəfin fikrini qəbul etməkdən imtina edirdi. Valideynlər təkid etmək cəhdi ilə hətta seçilmiş adla sənədləri əldə etmək üçün xəstəxana və qeydiyyat orqanları ilə ayrıca əlaqə saxlayıblar.
Lakin hər dəfə onlara rədd cavabı verilib, çünki prosedur hər iki tərəfin razılığını və orijinal sənədlərin olmasını tələb edir.
Məhkəmə zamanı uşağın bir yaşı olsa da, onun doğum haqqında şəhadətnaməsi, yaşayış yeri üzrə qeydiyyatı və əsas peyvəndləri almaq imkanı yox idi.
Məhkəmə qeyd edib ki, valideynlər arasında şəxsi fikir ayrılığı səbəbindən gecikmə azyaşlının hüquqlarını pozur və buna görə həm ana, həm də ata məsuliyyət daşıyır.
Uşağın hüquqlarını qorumaq üçün məhkəmə xüsusi “Yetkinlik yaşına çatmayan uşaqlara qulluq haqqında bildiriş” çıxarıb.
Valideynlər təyin edilmiş vaxt ərzində doğum haqqında şəhadətnaməni rəsmiləşdirməli olsalar da, yenə də cütlük arasında mübahisə yaranır.
Sonda sənədlərin saxlanmaq üçün müvəqqəti olaraq məhkəməyə, daha sonra isə qeydiyyat prosesini başa çatdırmaq üçün anasına təhvil verilməsi qərara alınıb.
