NASA, Chandra Rəsədxanası və yeni teleskop məlumatları ilə birgə Milad ərəfəsində kosmosun füsunkar bir görüntüsünü təqdim edib.
İnsanoid.com xəbər verir ki, Süd yolu qalaktikasında, Yerdən təxminən 2,500 işıq ili uzaqlıqda yerləşən “Milad Ağacı toplusu" adlanan bu ulduzlar qrupu, gənc ulduzlardan ibarətdir.
Qrupdakı ulduzların yaşı 1 milyon ilə 5 milyon il arasındadır. Ulduzlar Chandra tərəfindən rentgen şüalarını mavi və ağ işıqlar kimi əks etdirir. Küməni əhatə edən yaşıl qaz buludları isə ağacın “şam iynələri”ni xatırladır və görünən spektrdəki işığı əks etdirir.
Təqdim olunan görüntülərdən biri 2024-cü ilin noyabrında astrofotoqraf Maykl Clow tərəfindən Arizona ştatında çəkilib. Digər görüntü isə 2023-cü ildə ABŞ Milli Elm Fondunun Kitt Peak-dəki teleskopu ilə qeydə alınıb. Hər iki görüntü kosmik “Milad ağacı” formasını vurğulamaq üçün 160 dərəcə saat istiqamətində döndərilib.
Yaşıl rəngli qaz buludları konusvari forma alaraq şam ağacını xatırladır. Parlayan ağ və mavi işıqlı ulduzlar isə ağacın “bəzəkləri” kimi görünür. NASA-nın təqdim etdiyi görüntülər kosmosun füsunkar gözəlliyini bir daha nümayiş etdirir.
[gallery size="large" ids="212101,212100"]
