Kürdəmirdə kütləvi dava zamanı 5 nəfər xəsarət alıb. Bu barədə mayın 4-də Report məlumat yayıb.
Hadisə Qarasu kəndində qeydə alınıb. Kənd sakini Allahverənov Əfqan özünə məxsus əkin sahəsini suvaran zaman həmkəndlisi Məmmədov Abdulla ilə aralarında mübahisə yaranıb. Bu zaman onlar bir-birinə müxtəlif dərəcəli xəsarətlər yetiriblər.
Daha sonra mübahisəyə onların yaxınları da müdaxilə edib. Bu, kütləvi dava ilə nəticələnib.
Dava zamanı kənd sakinləri, qardaşlar - Allahverənov Əfqan, Allahverənov Allahverən, Allahverənov Fəxrəddin, Allahverənov Daşqın, qarşı tərəfdən isə Məmmədov Abdulla müxtəlif dərəcəli xəsarətlər alıblar.
Yaralılar Kürdəmir rayon Mərkəzi Xəstəxanasına çatdırılıblar. Faktla bağlı araşdırma aparılır.
