Kürdəmirdə qızılcadan ölən 4 yaşlı uşağın peyvənd olunmadığı məlum olub. Bu barədə 23 noyabr tarixində APA TƏBİB-yə istinadən məlumat verib.
Belə ki, Kürdəmir rayonunun Qağacılı kənd sakini, 14.10.2019-cu il təvəllüdlü Qəribli Rüfət Roman oğlu oktyabr-noyabr aylarında şikayətlərlə Kürdəmir Rayon Mərkəzi Xəstəxanasına müraciət edərək müvafiq müayinələrdən keçirilib.
18.11.2023-cü il tarixində yuxarı tənəffüs yollarının kəskin infeksiyası diaqnozu ilə həkimin qəbulunda olub, müayinələrdən keçib və fəsadlaşma olmadığı üçün simptomatik müalicə təyin edilərək 3 gün sonra təkrar müayinəyə dəvət olunub.
21.11.2023-cü il tarixində ağırlaşması olmayan qızılca diaqnozu ilə təkrar müraciət edib, həkim məsləhəti alıb.
23.11.2023-cü il tarixində saat 09:10-da uşaq xəstəxanaya aparılarkən yolda dünyasını dəyişib.
Azyaşlının qızılcaya qarşı peyvənd olunmadığı qeyd olunub.
Uşağın ölümü ilə bağlı fakt araşdırılır.
