Kürdəmirdə su maşını körpəni vuraraq öldürüb. Bu barədə Report 12 oktyabr tarixində xəbər verib.
Hadisə rayonun Yenikənd kəndində qeydə alınıb.
Həyətyanı sahəyə içməli su gətirən "QAZ-53" markalı su maşınının sürücüsü İsgəndərov Sahib Sabir oğlu avtomobili geriyə verərkən ehtiyatsızlıq edib və 1,5 yaşlı Uğur Bəkirovun üzərindən keçib.
Azyaşlı elə hadisə yerindəcə dünyasını dəyişib. Onun meyiti müayinə olunması üçün aidiyyəti üzrə təhvil verilib.
Faktla bağlı araşdırma aparılır.
