ABŞ-nin "Los-Anceles Leykers" klubunun basketbolçusu Lebron Ceyms Milli Basketbol Assosiasiyasında (NBA) daha bir rekorda imza atıb. Bu barədə 28 noyabr tarixində Report məlumat verib.
39 yaşlı oyunçu bunu "Filadelfiya"ya 94:138 hesabı ilə uduzduqları qarşılaşmada gerçəkləşdirib.
Həmin görüşdə 30 dəqiqə meydanda olan Ceyms basketbolçu Kərim Abdul-Cabbarın 66 300 dəqiqəlik uğurunu geridə qoyub.
Lebron Ceyms NBA-da ümumilikdə 66 319 dəqiqə parket üzərində olub.
Oyunçu karyerasının ən böyük məğlubiyyəti ilə üzləşdiyi üçün bu rekordun onun üçün o qədər də vacib olmadığını vurğulayıb.
Qeyd edək ki, Lebron Ceyms daha əvvəl NBA-da 39 min xalı keçən ilk basketbolçu kimi tarixə düşüb.
