Məhərrəm ayı ilə bağlı yaşlı nəslə yardım ediləcəyi adı ilə vətəndaşlardan pul yığıb saxta əsginaslar təqdim edən şəxsin kimliyi müəyyən edilib.
Bu barədə 4 avqust tarixində İnsanoid-ə Daxili İşlər Nazirliyindən məlumat verilib.
Naməlum şəxsin 30 yaşlı Əmrahov Vüsal Tahir oğlu olması məlum olub. O saxlanılıb. Onun üzərindən 200 manat saxta əsginas aşkar edilib.
V. Əmrahovun əməlindən zərərçəkən şəxslərin polisə məlumat vermələri tövsiyə edilir.
Araşdırmalar davam etdirilir.
Daha əvvəl ev-ev gəzərək xeyriyyəçilik məqsədilə vətəndaşlara 200 manatlıq saxta əsginas verib, əvəzində onlardan pulun qalığı kimi 50 manat alan şəxs barəsində məlumat vermişdik.
[gallery link="file" columns="1" size="full" ids="124428"]
