Məhkəmə Ermənistanın keçmiş prezidenti Serj Sarkisyana bəraət verib. Bu barədə APA 31 may tarixində xəbər verib.
O, "dizel işi" üzrə dövlətə 1 milyon dollara yaxın zərər vurmaqda ittiham olunurdu.
İttiham aktına görə, Serj Sarkisyan, Barseq Beqlaryan, Samvel Qalstyan, Qevork Arutyunyan və Serqo Karapetyan cinayət əlaqəsinə girərək, 2013-cü ilin yanvar-fevral aylarında hökumətin ehtiyat fondundan ayrılan təqribən 1 milyon 266 min ABŞ dolları məbləğindəki subsidiya məbləğini mənimsəyiblər.
Qeyd edək ki, 489 milyon 160 min 310 dram, yəni 1 milyon 265 min 799 ABŞ dolları məbləğində dövlət vəsaitini mənimsəməkdə ittiham edilən Serj Sarkisyan itihamları qəbul etməmişdi. Onun vəkilləri isə baş verənləri siyasi sifarişin nəticəsi olaraq dəyərləndirirdilər.
