Malayziya monarxı, 65 yaşlı İbrahim İsgəndər kral andı içib. Bu barədə 31 yanvar tarixində Report məlumat verib.
Andiçmə mərasimində kral ailələri, baş nazir Ənvər İbrahim və Nazirlər Kabineti üzvləri iştirak ediblər. Andiçmədən sonra tacqoyma mərasimi keçirilib.
Məlumata görə, Malayziya kralının səlahiyyət müddəti başa çatdıqdan sonra toplanan hökumət şurası öz aralarında verdikləri qərara əsasən, Malayziyanın yeni kralını seçir.
Qanuna əsasən, Malayziya Krallığı Qubernatorlar Konfransının üzvü olan 9 bölgədən növbə ilə müəyyən edilir. Növbəsi çatan isə yetkinlik yaşına çatmama, konfrans üzvlərindən razılıq almama, taxta çıxmaq istəməmə kimi müstəsna hallarda ölkənin kralı ola bilməz. Malayziyanın yeni kralı hökumət şurası tərəfindən müəyyən edilir, səs çoxluğu ilə seçilir.
Bildirilib ki, 2023-cü ilin oktyabrında şura sultan İbrahim İsgəndəri yeni kral seçib.
