Maqdeburqda Milad bazarında hücumda şübhəli bilinən şəxsin avtomobilindən vəsiyyətnamə tapılıb.
İnsanoid.com xarici KİV-ə istinadən xəbər verir ki, alman müstəntiqləri Maqdeburqda Milad bazarına gələnləri avtomobillə vurub əzdikdən sonra saxlanılan Səudiyyə Ərəbistanından olan həkim Taleb əl-Abdulmohsenin avtomobilində vəsiyyətnamə tapıblar.
BMW avtomobilində tapılan vəsiyyətnamədə 50 yaşlı Taleb əl-Abdulmohsen ölümündən sonra bütün sərvətinin Alman Qırmızı Xaç Cəmiyyətinə bağışlanmasını istəyib. Vəsiyyətnamədə heç bir siyasi mesaj tapılmayıb.
Qeyd edək ki, Taleb əl-Abdulmohsen dekabrın 20-də axşam saatlarında icarəyə götürdüyü BMW markalı avtomobillə Maqdeburq Milad bazarına daxil olub və insanların üzərindən keçib. Hücum nəticəsində 5 nəfər ölüb, 200 nəfər yaralanıb. O, hücumdan bir neçə dəqiqə sonra saxlanılıb.
