Aprelin 29-u gecə saatlarında Teymur Yolçuyev paytaxtın Maştağa qəsəbəsində kafeni işlədən qadına silahlı hücum edib. Bu barədə Daxili İşlər Nazirliyi məlumat verib.
T.Yolçuyev sərxoş vəziyyətdə kafedəkiləri bıçaqla hədələyərək onlardan 1 000 manat pul tələb edib, işçilərdən birinə xəsarət yetirib və kafenin şüşələrini sındırıb.
Polis əməkdaşları T.Yolçuyevi aşkarlayanda sözügedən şəxs bıçaqla onlara hücum edib. O, polisə xəsarət yetirməyə cəhd edərək patrul maşınını zədələyib. Polis əməkdaşlarının havaya 2 dəfə xəbərdarlıq atəşi açmasına baxmayaraq, silahlı şəxs müqavimətini davam edib. Nəticədə polis Teymur Yolçuyevin ayağına atəş açaraq onu yaxalayıb.
Yaralı xəstəxanaya çatdırılıb.
Saxlanılan 49 yaşlı şəxs əvvəllər 3 dəfə məhkum olunub.
Faktla bağlı cinayət işi açılıb.
