Keçmiş mütləq dünya çempionu amerikalı Mayk Taysonla bloger həmyerlisi Ceyk Pol arasında keçiriləcək boks görüşü təxirə salınıb. Bu barədə 1 iyun tarixində Report döyüşün təşkilatçısı olan “Most Valuable Promotions”a istinadən məlumat verib.
Döyüş iyulun 20-də Vaşinqtonda (ABŞ) baş verməli idi.
“Təəssüf ki, Pol və Tayson arasında çoxdan gözlənilən döyüş təxirə salınacaq. Həkimlərlə məsləhətləşmələrdən sonra Taysona bir neçə həftə ərzində minimal fiziki fəaliyyət tövsiyə olunub, bundan sonra o, tam məşqlərə qayıda bilər. Mayk və Ceyk hər iki idmançının döyüşə yaxşı formada gəlmək üçün bərabər şəraitə ehtiyacı olduğu barədə razılığa gəldilər”, - bəyanatda deyilir.
Qeyd olunub ki, döyüşün yeni tarixi iyunun 7-dən əvvəl açıqlanacaq.
