Misir Prezidenti fələstinlilərlə bağlı yeni təklif irəli sürüb. Bu barədə İnsanoid Report-a istinadən bu gün, 18 oktyabr tarixində xəbər verir.
“Müharibə başa çatanadək fələstinlilər Qəzza zolağından İsrailin Neqev səhrasına köçürülə bilərlər”.
Bunu Misir Prezidenti Əbdülfəttah əs-Sisi Qahirədə Almaniya kansleri Olaf Şoltsla görüşündə bildirib.
Onun sözlərinə görə, fələstinliləri məcburi köçkün hala gətirmək mümkün olmayacaq:
“Biz Fələstin məsələsinin aradan qaldırılmasına imkan verməyəcəyik”. O qeyd edib ki, Qəzza zolağında baş verənlər HƏMAS-yə qarşı hərbi əməliyyat deyil, fələstinlilərin Misirə qaçması üçün təkandır.
Almaniya kansleri Olaf Şolts isə bildirib ki, rəsmi Berlin Fələstin məsələsində Misirin vasitəçilik səylərini dəstəkləyəcək: “Biz birlikdə müharibənin dəhşətli nəticələrini yumşaltmaq üçün hərəkətə keçmək istəyirik”.
Ötən gün İordaniya və Misir Qəzza zolağından olan qaçqınları qəbul etməyəcəklərini açıqlayıblar.
