Misir Prezidenti Əbdülfəttah Əs-Sisi sentyabrın 4-də Türkiyəyə səfər edəcək.
Bu barədə İnsanoid “Haber Global”-a istinadən xəbər verir.
O, türkiyəli həmkarı Rəcəb Tayyib Ərdoğanla görüşəcək. Dövlət başçıları Qəzzadakı durumu müzakirə edəcəklər.
Qeyd olunub ki, bu, Əbdülfəttah Əs-Sisinin prezident kimi Türkiyəyə ilk səfəridir.
Xatırladaq ki, cari il fevralın 14-də R.T.Ərdoğan Misirə səfər etmişdi. Bundan sonra tərəflər arasında münasibətlər qismən yumşalmışdı.
