Türkiyədə küçə heyvanları ilə bağlı mübahisəli qanun qəbul edilib. Bu barədə İnsanoid Türkiyə mətbuatına istinadən bu gün, 30 iyul tarixində xəbər verir.
Küçələrdə yaşayan itləri “yuxuya verməyə” yol açan qanun layihəsi Türkiyə Böyük Millət Məclisinin Baş Assambleyasında qəbul edilərək qanuna çevrildi. Səsvermədən sonra parlament oktyabrın 1-dək fasilə verib.
Türkiyə Böyük Millət Məclisində həftələrlə davam edən etirazlar və danışıqlardan sonra 17 maddənin hamısının qəbul edilməsi ilə “Heyvanların Qorunması Qanununa Dəyişikliklər edilməsi haqqında Qanun layihəsi” səsə qoyulub.
Səsvermədə 594 deputatdan 500-ü iştirak etdiyi halda, lehinə 275, əleyhinə isə 224 deputat səs verib. Parlamentin bir üzvü də bitərəf qalıb.
Türkiyədə qanuna qarşı çıxanlar sosial şəbəkələrdə #yasayıgeriçek adlı xeşteq yaradıblar.
