NATO və İran rəsmiləri HƏMAS ilə İsrail arasında baş verən silahlı toqquşmaya münasibət bildiriblər. Bu barədə İnsanoid İsrail KİV-lərinə istinadən bu gün, 7 oktyabr tarixində məlumat verir.
Alyans Baş katibinin müavini Mirça Coane deyib: "Bu gün mən israilli dostlarımızla birlikdə insan itkisinə görə məyusam. Dəhşətli hücumlar qarşısında İsraillə tam həmrəyəm”.
O, bir neçə həftə əvvəl İsraildə olduğunu və NATO ilə bu ölkə arasında əməkdaşlığın yeni səviyyəsini müzakirə etdiklərini söyləyib.
Aİ-nin xarici işlər və təhlükəsizlik siyasəti üzrə ali nümayəndəsi Jozep Borrel “X” sosial şəbəkəsində yazıb.
“İsraillə bağlı xəbərlər bizi kədərləndirib. Biz birmənalı olaraq, HƏMAS-nin hücumlarını pisləyirik. Bu dəhşətli zorakılıq dərhal dayandırılmalıdır. Terror və qəddarlıq heç nəyi həll etmir. Aİ bu çətin anlarda İsraillə həmrəyliyini ifadə edir”, - paylaşımda qeyd edilib.
Oktyabrın 7-də səhər saatlarında Qəzza zolağından radikallar İsrail ərazisinə raket zərbələri endiriblər. Fələstin tərəfinin kütləvi raket atəşinə cavab olaraq, İsrail ordusu “Dəmir qılınc” əməliyyatına başladığını elan edib.
