“Neftçi” UEFA Avropa Konfrans Liqasında III təsnifat mərhələsinə yüksəlib. Bu barədə İnsanoid bu gün, 4 avqust tarixində klubun rəsmi saytına istinadən xəbər verir.
Klub II təsnifat mərhələsinin cavab oyununda Bosniya və Herseqovinanın “Jelezniçar” klubu ilə qarşılaşıb. “Ağ-qaralar” 2:0 hesabı ilə qalib gələrək III təsnifat mərhələsinə vəsiqə qazanıb (ilk oyun – 2:2).
Görüş 8-ci km stadionunda baş tutub. Komandanın ilk qolunu 20-ci dəqiqədə Kenni Sayef, ikinci qolu isə 68-ci dəqiqədə Eddi İsrafilov vurublar.
Növbəti mərhələdə Adrian Mutunun baş məşqçi olduğu kollektiv “Beşiktaş”la qarşılaşacaq.
III təsnifat mərhələsinin oyunları avqustun 10-da və 17-də keçiriləcək.
