Nyu-Orleanda terror aktı törədən 42 yaşlı Şamsud-Din Cabbar “Deloitte” konsaltinq şirkətinin əməkdaşı olub.
Bu barədə “NBC News” telekanalı şirkətin bəyanatına istinadən məlumat yayıb.
"Dünənki terror aktında şübhəli bilinən Şamsud-Din Cabbar 2021-ci ildən “Deloitte” şirkətində ştatda olub", - məlumatda qeyd olunur.
Öz növbəsində, “Wall Street Journal” nəşri Cabbarın “Deloitte” portalındakı profilinin surətinə çıxış əldə edib. Orada göstərilib ki, həmin şəxs 2024-cü ilin payızında şirkətdə "həllər üzrə aparıcı mütəxəssis" vəzifəsində çalışıb.
Qeyd edək ki, terror aktı nəticəsində 15 nəfər həlak olub, 30 nəfər xəsarət alıb.
