HƏMAS-nin İsrailə hücum etdiyi gün videosu yayılan 22 yaşlı alman qadın Şani Luk sağdır. Bu barədə İnsanoid xarici KİV-lərə istinadən bu gün, 11 oktyabr tarixində xəbər verir.
Şani Lukun anası qızının sağ olması haqda məlumat yayıb.
Qızın videoları əvvəllər silahlılar tərəfindən dərc edilib. Çoxları Şaninin öldüyünü yəqin edərək, onun cəsədinin qaytarılmasını istəyib. Məlum olub ki, qız sağdır. O, ağır vəziyyətdə Qəzza zolağında xəstəxanadadır.
Şani və bir çox digər girovlar Qəzza zolağının sərhədi yaxınlığında hücum günü keçirilən musiqi festivalında əsir götürülüblər. Qız orada sevgilisi ilə birlikdə olub. Festival yerində 200-dən çox cəsəd tapılıb.
