Hindistanda inəyə olan sevgi və hörmət hər kəsə məlumdur. Sözügedən canlı bu ölkədə müqəddəs heyvan hesab edilir.
Avtosfer.az xəbər verir ki, mal-qaradan Hindistanda təkcə ət və süd istehsalı üçün istifadə edilmir. Bu ölkədə inəyin peyinindən bioqaz (avtomobil üçün metan qazı) almaq üzərində iş gedir. Hazırda hökumət Qujarat ştatındakı kompleksdə bu texnologiyanı təkmilləşdirir.
Bu günlərdə isə Suzuki şirkəti fermalara baş çəkib. Onlar da inək peyinini almaq istəyirlər. Suzuki yaxın aylarda 2, ümumiyyətlə 5 emal zavodu qurmaq istəyir.
Hindistan hökumətinin bu məsələdə marağı istixana qazlarının azaldılmasıdır. Ölkədə metan qazı ilə işləyən avtomobillərin 70 faizi Suzuki markasıdır.
Hindistanda inəklərin baş sayı 300 milyonu keçib. 10 baş inək 1 avtomobilin gündəlik qaza olan ehtiyacını təmin edə bilir. Emal olunmuş peyin isə yenidən kənd təsərrüfatında istifadə ediləcək.
