Aprel ayında Kliniki Tibbi Mərkəzə zəhərlənmə ilə bağlı 711 müraciət olunub. Bu barədə 6 may tarixində Mərkəz məlumat verib.
Məlumata əsasən, onlardan 124-ü Toksikologiya şöbəsinə qəbul edilib. Qəbul olunan xəstələrdən 62-si dərmandan, 19-u sirkə turşusundan, 7-si dəm qazından, 1-i göbələkdən, 4-ü etil spirtindən zəhərlənib. Həmçinin onlardan 5-ni ilan, 1-ni isə əqrəb sancıb.
Qeyd olunub ki, zəhərlənən şəxslərin 54-ü qadın, 6-sı kişi, 20-si uşaq olub. 124 nəfərdən 8-i (6-sı kişi, 1-i qadın, 1-i uşaq) dünyasını dəyişib.
