Ötən gün ərzində törədilmiş 66 cinayətin üstü “isti izlər”lə açılıb. Bu barədə 23 aprel tarixində Daxili İşlər Nazirliyi məlumat verib.
Məlumata əsasən, əvvəlki dövrlərdən bağlı qalmış 15 cinayətin açılması təmin olunub.
Bundan əlavə, axtarışda olduğuna görə ümumilikdə 54 nəfər, o cümlədən borclu şəxs qismində axtarışda olan 38 nəfər saxlanılaraq aidiyyəti üzrə təhvil verilib.
Həmçinin narkotiklərlə əlaqəli 31, qanunsuz saxlanılan silah-sursatın götürülməsi və aşkarlanması ilə bağlı 1 fakt müəyyən edilib.
Qeyd edək ki, cinayət törətməkdə şübhəli bilinən 46 nəfər saxlanılıb.
