Ötən il 32 min şəxsə elektron qaydada pensiya təyin olunub. Bunu Dövlət Sosial Müdafiə Fondunun sədri Himalay Məmişov qurumun 2023-cü il üzrə hesabat tədbirində deyib. Bu barədə 10 yanvar tarixində Report məlumat verib.
O bildirib ki, 2019-cu ilin əvvəlindən başlayan elektronlaşma nəticəsində bu günə qədər ümumilikdə 102 min vətəndaşa proaktiv qaydada pensiya təyin olunub.
Fond sədri vurğulayıb ki, pensiya ödənişləri ötən il 16% artaraq 5,726 milyard manat təşkil edib: "Ötən il pensiyaların orta aylıq məbləği 436 manata, yaşa görə pensiyaların orta aylıq məbləği 467 manata çatıb".
