Pakistanın cənubunda baş verən qatar qəzasında xəsarət alanların sayı 90 nəfərə çatıb.
Bu barədə İnsanoid 7 avqust tarixində Report-a istinadən məlumat verir.
Polis xilasetmə əməliyyatlarının başa çatdığını deyib. Ölən və yaralananlar arasında qadınlar və uşaqlar da var.
Kəraçidən Ravalpindiyə gedən “Hazara Expressi” sərnişin qatarının 10 vaqonu Nəvabşah yaxınlığında relsdən çıxıb.
Pakistan dəmir yolları naziri Xavaca Saad Rafik qəzanın səbəblərinin araşdırıldığını və yaralıların Nəvabşah və Sanghar bölgələrindəki xəstəxanalara aparıldığını bildirib.
“Associated Press”in məlumatına görə, hadisə nəticəsində ölənlərin sayı 30 nəfərə çatıb.
